دابت حروف اسمى
مشتاقة للندهه
دانا اسمى كان رائع
سكر كما الفاكهه
الصابحه للحصاد
الحلوه ربانى
كان ايه اللى ربانى
غير لمسة من ايدها
مرة بتحضنى
مرة بتضربنى
مرة بتمسكنى
و تعدى من خوفها
تضحك تضحكنى
تبكى تزعلنى
كل الحياه بتدور
و هى مركزها
موناليزا تطلع ايه
أمى جمال تانى
و كليوباترة مين
أمى بهاء تانى
و شجر الدر ايه
أمى كيان تانى
كل اللى كانوا كوم
و أمى كوم تانى
أبص لعينيها أحس بالراحة
مين ده اللى يأذينى
و أمى ساندانى
ايه ده اللى يوجعنى
و هى ضمانى
يا زهرة الصبار
الصبر زاد حسنك
و ف آخر الرحلة
راح و اختفى حزنك
و اتبدل الصبار
بالفل و الياسمين
و الكل ع الجنبين
مبسوط و فرحانلك
و الله ما انا خايفه
بس الفراق مؤلم
بسكت ساعات و اسرح
لكنى بستسلم
أمر و صدر و خلاص
و فى النهاية خلاص
و مسيرنا يوم نلتقى
و يضمنى حضنك
الجمعة نوفمبر 05, 2010 6:17 pm من طرف 
